ShQO-da jasandy jolmen qar kóshkini túsirildi

ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini túsirildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, qar kóshkininiń aldyn alý sharalary «Óskemen-Altaı», «Taýly Úlbi-Soltústik» tasjoldarynda júrgizildi. Atalǵan ýchaskelerdegi taý baýraıynda birneshe kún boıy tolassyz jaýǵan qar bıiktigi 21-den 60 sm-ge deıin jetken.

«Eki ýchaskede 5 jarylys jasaldy. Sonyń nátıjesinde 4100 tekshe metr qar túsirilgen. Joldar qardan tolyǵymen tazartyldy. Qazirgi ýaqytta jol ashylyp, kólikter kedergisiz qatynaýda», - delingen aqparatta.

Aıta keteıik, óńir boıynsha 325 ýchaskede qar kóshkini júrý qaýpi bar. Jalpy kóshkin qaýpi bar kezeń Shyǵys Qazaqstanda qarasha aıynan sáýirge deıin sozylady.