ShQO-da jasandy jolmen 140 400 tekshe metr qar túsirildi
ÓSKEMEN. QazAqparat – Shyǵys Qazaqstan oblysynda jasandy jolmen qar túsirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, jasandy kóshkin túsirý jumystary «Óskemen-Tarǵyn-Samar» tasjolynda júrgizildi. Qalyń qar jaýyp, jel kúsheıgen soń mamandar osy joldyń boıyndaǵy 9 ýchaskede kóshkin júrý qaýpin baıqaǵan.
«Jasandy jolmen 140 400 tekshe metr qar túsirildi. Ásirese tasjoldyń 100-shaqyrymda kóp qar jınalǵan. Bul ýchaskeden 30 000 tekshe metr qar tústi. Joldy jaýyp qalǵan qar birneshe saǵat boıy tazalandy», - delingen habarlamada.
Aıta keteıik, aýa raıy eskertýlerine baılanysty oblystaǵy kóshkin qaýpi joǵary tasjoldar jabylýda. Qazirgi ýaqytta «Óskemen-Samar», «Óskemen-Altaı-Rahman qaınary» jáne «Óskemen-Taýly Úlbi-Severnoe» joldary jabyq.
