ShQO-da jas jubaılar nekelerin qıdyrǵan soń birden saılaýda daýys berdi

ÓSKEMEN. QazAqparat – Shyǵys Qazaqstan oblysynda jas jubaılar nekelerin qıdyrǵan soń birden saılaýda daýys berdi, dep habarlaıdy QazAqparat tilshisi.

Óskemen qalasynda jas jubaılar Jánibek pen Madına otbasylyq ómirlerin erekshe bastady. Azamattyq hal-aktilerin jazý (AHAJ) bóliminen keıin olar prezıdent saılaýynda daýys berý úshin birden saılaý ýchaskesine bardy. Erli-zaıypty №49 ýchaskede tirkelgen.

«Búgin bizdiń otbasy úshin tarıhı kún. Bul kúnniń el bolashaǵy úshin mańyzy zor dep esepteımiz. Sondyqtan saılaýǵa qatysyp, óz daýysymyzdy berdik. Elimiz damyp, órkendeı bersin», - dedi Jánibek Ahmetov.

Aıta keteıik, Shyǵys Qazaqstanda 549 saılaý ýchaskesi jumys istep tur. Onyń ishinde 12 aýmaqtyq, 537 ýchaskelik. Barlyǵy 500 myńǵa jýyq shyǵysqazaqstandyq daýys bere alady.