ShQO-da «Jas kásipker» jobasyna qatysýshylar sany myńnan asty
ÓSKEMEN. QazAqparat - Shyǵys Qazaqstan oblysynda «Jas kásipker» jobasyna qatysýshylar qatary artty. Baǵdarlamanyń eki kezeńinde 1074 azamat dáris alǵan, dep habarlaıdy Habar 24.
Bıznestiń qyr-syryn úırengenderdiń arasynda shalǵaıdaǵy aýdan, aýyldardyń jastary kóp. Bir ǵana Zaısan aýdanynyń ózinen 40-tan astam qyz ben jigit «Jas kásipker» jobasy boıynsha bilim-biligin jetildirip, barlyǵy bıznes jobalaryn sátti qorǵap shyqqan. Jaqynda osy aýdannyń taǵy 25 turǵyny sertıfıkat aldy. Bireýi tigin tsehyn, kelesisi shashtaraz, sán-salon, endi biri naýbaıhana ashýdy kózdep otyr. Jastar 3 kúndik semınarda kez kelgen kásip neden bastalady, onyń tıimdiligin qaıtip boljaý kerek jáne bastysy bıznes jospardy qalaı qurý kerektigin úırenedi.
«Aqparattyq tehnologııa salasynda shaǵyn kásip ashsam deımin. Sondyqtan osy semınardan esep júrgizý, naryqty zertteýge baılanysty ózime kerek kóp málimetter aldym», -deıdi Zaısan qalasynyń turǵyny Jandos Qabdrasylov.
Oblystyq jastar qoǵamdyq birlestiginiń ókili Aıdyn Qaıyrbekulynyń aıtýynsha, bul joba 3 kúndik semınarmen aıaqtalmaıdy, Semeı qalasynda 1 jylǵa deıin sozylatyn, konsýltatıvtik ortalyq jumys atqarady, ol onlaın júıesinde de jáne ózderi barlyq jabdyqtarmen tegin konsýltatsııa nemese otyryp jumys isteıtin barlyq múmkindikter qarastyrylady.