ShQO-da «Jas búrkit» klýby ashyldy
Klýb Óskemendegi Ulttyq Ulan áskerı bólimderi men oblys ortalyǵyndaǵy №4 jalpy orta bilim beretin mektep bazasy negizinde qurylyp otyr.
«Pılottyq jasaq retinde №4 mekteptiń tańdalyp alynýy jaıdan-jaı emes. Munda 1996 jyly Shoqan Ýálıhanov atyndaǵy kadet korpýsy ashylǵan edi. Endi mine «Jas Búrkit» sporttyq áskerı-patrıottyq klýby quryldy. Oǵan mekteptiń 30-dan astam oqýshysy múshe boldy» - deıdi №4 mektep dırektory Olga Zıýz.
Klýbqa uldarmen qosa qyz balalar da múshe boldy. Olar úshin áskerıler arnaıy ótkizetin sharalaryn da joparlap qoıǵan. 
«Qysqy ýaqytta ózimizdiń áskerı bólimderdegi sportzaldarda balalarǵa qoıan-qoltyq urystarynyń jeńil erejelerin úıretemiz. Jazda ata-analarynyń kelisimimen polıgonǵa shyǵamyz»,- deıdi QR Ulttyq Ulan Shyǵys óńirlik qolbasshylyǵy qolbasshysynyń orynbasary Nııaztaı Álkeshev.
«Jas Búrkit» sporttyq áskerı-patrıottyq klýbtar elimizdiń barlyq jalpy orta bilim beretin mektepterinde ashylyp keledi. Búgingi ashylǵan klýb Óskemende ázirge birinshisi ǵana. Nııaztaı Álkeshevtiń aıtýynsha, jyl sońyna deıin Shyǵys óńirlik qolbasshylyǵy taǵy osyndaı 15 klýb ashýǵa daıyn.
