ShQO-da jarylys jasalyp, trassa boıyna qar kóshkini túsirildi
ÓSKEMEN. QazAqparat – Shyǵys Qazaqstan oblysynda jasandy jolmen qar kóshkini júrgizildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar men «Qazseldenqorǵaý» ShQO fılıalynyń mamandary «Óskemen-Samar» tasjolynda kóshki túsirdi.
«Atalǵan joldyń 95-102 shaqyrymyndaǵy 4 ýchaskede jarylys jasalyp, jalpy kólemi 1370 tekshe metr qar túsirildi. Qazirgi ýaqytta kúsheıtilgen rejımde jumys istep jatyrmyz. Kún saıyn kóshkin júrýi múmkin jerlerge monıtorıng júrgizilýde», - dedi «Qazseldenqorǵaý» oblystyq fılıalynyń basshysy Omar Dúzgimbaev.
Qys basynan beri oblysta 108 ret jarylys jasalyp, jalpy kólemi 129 760 tekshe metr qar túsirildi.
Esterińizge sala ketsek, ShQO-da 7 sáýirge deıin qar kóshkini júrý qaýpi bar ekendigin habarlaǵan edik.
