ShQO-da jarty jyl izdeýde júrgen adam poıyzda ustaldy
Probatsııa qyzmetkerleri Kókpekti aýdanynyń polıtsııa bólimimen birlesip, «Probatsııa» jedel aldyn alý sharasynyń birinshi kúninde 6 aıdan astam ýaqyt boıy izdeýde júrgen sottalǵan adamdy qolǵa túsirdi.
20 jastaǵy jigit byltyr alaıaqtyq jasaǵany úshin 3 jyl 6 aıǵa bas bostandyǵynan shektelgen bolatyn. Biraq sot úkimi zańdy kúshine engennen keıin ol probatsııa qyzmetine esepke turýǵa kelmeı qoıdy. Osydan keıin oǵan izdeý jarııalanǵan.
«Er adam «Almaty-Óskemen» poıyzynda ustady. Qazirgi ýaqytta ýaqytsha ustaý ızolıatoryna qamaýǵa alynǵan. Endi ol 3 jarym jyl merzimge bas bostandyǵynan aıyrylýy múmkin», - dedi ádilet aǵa leıtenanty Marat Tólepbergenov.
Aıta keteıik, 15-24 naýryz aralyǵynda ShQO- da «Probatsııa» jedel aldyn alý sharasy ótkizilýde. Mundaǵy maqsat – quqyq buzýshylyqtar men qaıtalama qylmystardyń aldyn alý.