ShQO-da jarty mıllıon adam koronavırýsqa qarsy vaktsına aldy

ÓSKEMEN. QazAqparat – Shyǵys Qazaqstan oblysynda 541 myń adam koronavırýsqa qarsy ekpeniń eki komponentin saldyrdy, dep habarlaıdy QazAqparat tilshisi.

Osy jyldyń 1 aqpanynan bastap Shyǵys Qazaqstanda halyqqa koronavırýs ınfektsııasyna qarsy vaktsına salý naýqany belsendi júrip jatyr.

Búginde óńirde 343 ekpe kabıneti ashylyp, saýda úılerinde arnaıy pýnktter uıymdastyryldy.

Al aýylda jyljymaly pýnktiler men mobıldi keshender jumys isteýde.

- Qazirgi ýaqytta oblystaǵy 677 myń adam koronavırýqa qarsy vaktsına aldy. Al onyń ishindegi 541 myń turǵyn eki komponentti vaktsınatsııa rásimin aıaqtady, - dedi ShQO ákiminiń orynbasary Shákárim Buqtuǵutov.

Aıta keteıik, Shyǵys Qazaqstanda juqpaly dertke qarsy vaktsınanyń úsh túri bar.

Atap aıtqanda, «Spýtnık V», QazVac jáne Sinopharm.