ShQO-da jappaı maska taǵý talap etiletin boldy
ÓSKEMEN. QazAqparat – 1 qarashadan bastap Shyǵys Qazaqstan oblysynda úıden kez kelgen jaqqa shyǵý úshin maska taǵý kerek. Bul týraly oblystyń bas sanıtarlyq dárigeriniń 29 qazandaǵy №23-1 qaýlysynda aıtyldy, dep habarlaıdy QazAqparat yk.kz-ke silteme jasap.
Úıden qaıda shyqsańyz da, kóshede bolsyn, óz kóligińizde, podezde bolsyn, maska taǵý mindetti. ıAǵnı maskany úıińiz nemese páterińiz bolyp sanalmaıtyn kez kelgen jerde taǵý kerek. Qalǵan tyıymdar, sonyń ishinde jappaı merekeler men otbasylyq otyrystar úshin de jalǵasýda. Osy sanıtarlyq erejeni saqtamaǵany úshin aıyppul 30 AEK (80 000 teńgeden joǵary) quraıdy.
Munyń oryndalýyn polıtseıler qadaǵalaıdy. Olar hattamalar toltyrady, biraq aıyppul sala almaıdy. Sondyqtan olardy Taýarlar men kórsetiletin qyzmetterdiń sapasy men qaýipsizdigin baqylaý komıtetiniń sanıtarlyq dárigerlerine jiberedi.
Kósheler men aýlada ýchaskelik ınspektorlar bul jaıynda kúni keshe eskertti. Qaýly búgin tún ortasynda bastaldy. Buryn habarlanǵandaı, ShQO-da blokpostar qoıylyp, erekshe sharttary bar shekteý sharalary engizildi.
