ShQO-da jańǵaq jutyp qoıǵan bala kóz jumdy
ÓSKEMEN. QazAqparat – Shyǵys Qazaqstan oblysy Úrjar aýdanynda jańǵaq jutyp qoıǵan bala kóz jumdy, dep habarlaıdy QazAqparat tilshisi.
Úrjar aýdany Kóktal aýylynda jańǵaq jutyp qoıǵan 3 jasar bala qaıtys boldy. Qazirgi ýaqytta atalǵan fakti boıynsha polıtseıler tergeý amaldaryn bastaǵan.
«Aýdandyq polıtsııa bóliminiń tártip saqshylary qylmystyq is qozǵady. Tıisti sot-medıtsınalyq saraptamalar taǵaıyndalyp, sotqa deıingi tergeý júrgizilip jatyr. QR Qylmystyq is júrgizý kodeksiniń 201-baby 1-bóligine sáıkes ózge aqparattar jarııa etilmeıdi», - dep habarlady ShQO Polıtsııa departamentiniń baspasóz qyzmeti.
Esterińizge sala ketsek, osyǵan deıin Semeıdegi qurylys alańynan adam súıegi tabylǵanyn habarlaǵan bolatynbyz.
