ShQO-da jáne Almatydan 1162 shaqyrym qashyqtyqta jer silkinisi tirkeldi

ASTANA. KAZINFORM — Búgin ShQO-da jáne Almatydan 1162 shaqyrym qashyqtyqta jer silkindi.

Búgin, 25 mamyrda saǵat 07:40-ta TJM «Ulttyq ǵylymı seısmologııalyq saraptama jáne zertteý ortalyǵy» JShS dıspetcherinen Qazaqstannyń shyǵysynda jer silkinisi tirkelgeni týraly aýyzsha aqparat tústi.

Jerasty dúmpýiniń ýaqyty men naqty orny anyqtalý ústinde. Alynǵan derekter óńdelip jatyr.

Sonymen qatar QR TJM «Seısmologııalyk zertteý ınstıtýty» JShS seısmıkalyq stantsııalar jelisi búgin, 25 mamyrda Astana ýaqytymen 07 saǵat 35 mın jer silkinisin tirkedi.

Jer silkinisiniń oshaǵy Reseı shekarasynda, Almaty qalasynan soltústik-shyǵysqa qaraı 1162 shaqyrym jerde ornalasqan.

Seziletindigi týraly málimetter

Óskemen q. - 2 b.

Qaton-Qaraǵaı - 2 b.

Aıta keteıik, keshe Almatydan 434 shaqyrym aýmaqta jer silkindi.