ShQO-da janarmaı tasıtyn kólik aýdarylyp, 2 adam zardap shekti
ÓSKEMEN. QazAqparat – Shyǵys Qazaqstan oblysynda janarmaı tasıtyn kólik aýdarylyp, 2 adam aýrýhanaǵa jetkizildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, jol-kólik oqıǵasy 8 qyrkúıek kúni saǵat 18:00 shamasynda «Óskemen-Rıdder» tasjolynda bolǵan.
«Janar-jaǵarmaı tasıtyn kólik aýdaryldy. Sonyń saldarynan 18 tonna janarmaı tógilgen. Sol jerge qutqarýshylar shuǵyl kelip jetti. Olar janarmaı tógilgen jerledi kóbikpen oqshaýlady», - dep habarlady vedomstvo ókilderi.
Belgili bolǵandaı, jol apatynan 2 adam zardap shekken. Jedel járdem dárigerleri zardap shekken azamattardy aýrýhanaǵa jetkizdi.
Aıta keteıik, oqıǵa ornyna 4 avtotsısterna men jeke quramnan 15 adam jumyldyrylǵan. Polıtsııa qyzmetkerleri qutqarýshylardyń jumysy kezinde joldy jaýyp tastady. Qazir qozǵalys qalpyna keltirilgen.
