ShQO-da jańa formatsııa kóshbasshylaryn qalyptastyrý maqsatynda jobalyq keńsesi jumys isteýde
ShQO-daǵy «Trınta» qoǵamdyq qory Azamattyq bastamalardy qoldaý ortalyǵynyń granty aıasynda «Azamattyq qoǵamdaǵy jańa formatsııa kóshbasshylaryn qalyptastyrý boıynsha jobalyq keńseniń qyzmetin uıymdastyrý» jobasyn iske asyrýda. Osy joba boıynsha «ÓzgerIS» jobalyq keńsesiniń jumysy qolǵa alynǵan. Qatysýshylarǵa 4 baǵytta qyzmet usynylady, atap aıtqanda keńes berý, aqparattyq, ádistemelik jáne oqytý.
«11 onlaın-trenıng, konsýltatsııalyq oqytý, 5 sheberlik-sabaq, 6 tikeleı efır túrinde «Soft skills, advokatsııa jáne ózgerister teorııasy, azamattyq mamandyqtar» taqyryptaryn qamtıtyn aýqymdy oqytý baǵdarlamasy júrgizildi.
Jańa formatsııa kóshbasshylarynyń portretin qalyptastyrý, olardyń «halyq únine qulaq asatyn memleket» jáne «óz oıyn ashyq aıtatyn azamattar» arasyndaǵy kommýnıkatsııasyna qatysýyn anyqtaý maqsatynda osy jyldyń maýsym aıynda forsaıt-sessııa uıymdastyryldy. Oǵan Qazaqstan óńirlerinen 50 adam qatysty.
Jalpy bul joba elimiz boıynsha 300-ge jýyq adamnyń basyn qosyp, aýqymdy áleýmettik áser etti. Jobaǵa qatysýshylar jańa yntymaqtastyq ornatyp, bir-birinen shabyt aldy jáne sol arqyly óz uıymdaryna tyń jobalar alyp keldi», - delingen «Trınta» qoǵamdyq qory ókilderi taratqan aqparatta.
Joba sheńberindegi is-sharalar onlaın jáne offlaın formatta ótkizildi. Qazan aıynda jobalyq keńse Qazaqstan óńirlerindegi 50 pikirtalas alańyna jetekshilik etti jáne jobaǵa qatysýshylardyń tájirıbe almasýy boıynsha 20 sapar uıymdastyrdy. Ártúrli formatta pikirtalas alańdary ótti. Nátıjesinde qatysýshylar fıshbol formatynda 36 saǵat pikirtalas júrgizip, hakaton formatynda 51 saǵat shyǵarmashylyq baılanysta boldy.
«Azamattyq qoǵamdaǵy jańa formatsııa kóshbasshylaryn qalyptastyrý barysynda «OzgerIS» jobalyq keńsesiniń keńesshiler toby joba jetekshilerimen tyǵyz baılanys ornatyp, konsýltatsııalar men ádistemelik materıaldarmen qamtamasyz etý arqyly túrli sharalardy josparlaýǵa jáne júzege asyrýǵa kómek kórsetti. Árbir joba qatysýshysy qajetti bilim alyp, óz qalasynda nemese aýylynda halyqpen jumysty sapaly jáne eń bastysy, jaýapkershilikpen uıymdastyra bildi. Joba barysynda bizdiń kóshbasshylar halyqtyń ómir súrý sapasyn jaqsartýda, jergilikti deńgeıde túıtkildi máselelerdi sheshýde naqty nátıjelerge qol jetkizdi», - delingen málimette.
