ShQO-da jańa bosanǵan áıelderge sábıleri Aıaz atanyń kıiminde berildi
AıAGÓZ. QazAqparat – Shyǵys Qazaqstan oblysyndaǵy Aıagóz aýdanaralyq aýrýhanasynda jańa bosanǵan áıelderge balalary Aıaz atanyń kıiminde berildi, dep habarlaıdy QazAqparat tilshisi.
Aýrýhananyń bas dárigeri Shalqar Omarovtyń aıtýynsha, Jańa jyl qarsańynda kópshilikke merekelik kóńil-kúı syılaý úshin erekshe shara uıymdastyrylǵan.
«Qazir perzenthanada kúnine 5-6 bala dúnıege keledi. Medıtsınalyq mekemeniń eńbek ujymy Aıaz ata kıimderin ózderi tigip, jańa týǵan nárestelerdi kıindirdi», - dedi ol.
Bul kıimder sanıtarlyq talaptarǵa sáıkes zararsyzdandyrylǵan. Óz perzentterin kórgen áıelder qýanyshtan kózderine jas aldy.
«Balamdy osyndaı kıimde kóremin dep esh oılaǵan joqpyn. Dál Jańa jylǵa bizdiń otbasymyzǵa kelgen syılyq sekildi. Erekshe sezim syılaǵan aýrýhana ujymyna myń alǵys!», - dedi analardyń biri.
