ShQO-da jalǵyzbasty áıel óz úıinde órtenip ketti
ASTANA. QazAqparat - Zyrıanov aýdanyna qarasty Parygıno aýylynyń 60 jastaǵy turǵyny óz úıinde órtenip ketti, dep habarlaıdy QazAqparat.
Oqys oqıǵa búgin tańǵy 5-ter shamasynda bolǵan. №3 mamandandyrylǵan órt sóndirý qyzmetiniń qutqarýshylaryna kórshilerden jer úıdiń órtenip jatqany týraly habar kelip túsken. Úıdiń ishinen ózdiginen shyǵa almaı, kómek suraǵan áıeldiń daýysy shyǵyp jatqan.
«Adamdar áıeldiń kórshilerine telefon soǵyp, shyǵýǵa kómek suraǵanyn aıtty. Alaıda órttiń jalyny úıdi túgel sharpyǵan. Biz kelgenshe adamdar óz betterimen kirýge áreket jasaǵan, alaıda múmkin bolmaǵan», - dedi №3 mamandandyrylǵan órt sóndirý qyzmetiniń basshysy Erjan Ómirbaev.
Aıta ketý kerek, Parygıno aýyly eń taıaý órt bólimshesinen 35 shaqyrym jerde ornalasqan. Qutqarýshylar kelgenge deıin úı túgeldeı otqa oranǵan. Órt sóndirýshiler úıden 61 jastaǵy áıeldiń denesin alyp shyqty. Tilsiz jaý 2 saǵattan keıin túgeldeı sóndirildi. Jalpy 80 shaqyrym aýmaq órtengen.
Kórshilerdiń aıtýynsha, qaza tapqan áıel jalǵyz ózi turǵan.
Órtke otty salǵyrt paıdalaný nemese elektr quraldaryn paıdalaný jáne montajdaý kezinde órt qaýipsizdigi sharalaryn durys saqtanbaý sebep bolýy múmkin.
ShQO TJD-nyń órt sóndirýshileri nusqaýlyqtardy muqııat eskerip, elektr jelisin shamadan tys qoldanbaýdy suraıdy. Sondaı-aq, aqaýsyz jylytqyshtardy ǵana paıdanyp, olardy túnde óshirip uıyqtaýǵa keńes beredi.
