ShQO-da jalǵan vaktsına pasporttaryn jasaǵan 54 jastaǵy dáriger ustaldy

ÓSKEMEN. QazAqparat – Shyǵys Qazaqstan oblysy Ulan aýdanynda jalǵan vaktsına pasporttaryn jasaýmen aınalysqan dáriger ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Ulan aýdanyndaǵy otbasylyq-dárigerlik ambýlatorııanyń medıtsına qyzmetkeri aqsha tabý úshin zańsyz qadamǵa barǵan. Belgili bolǵandaı, ol turǵyndarǵa ekpe saldyrmaı vaktsına pasportyn jasap otyrdy.

Áýeli klıent tapqan dáriger vaktsınany tógip tastap, sodan keıin bazaǵa jalǵan aqparat engizgen. Qazirgi ýaqytta polıtsııa qyzmetkerleri aq halattyny qolǵa túsirdi.

«Medıtsına qyzmetkerine qatysty QR Qylmystyq Kodeksiniń 385-babyna sáıkes sotqa deıingi tergeý amaldary júrgizilýde. Tártip saqshylary jalǵan vaktsına pasportyn jasaýmen aınalysatyndardyń jolyn kesý úshin jan-jaqty monıtorıng júrgizýde», - dedi oblystyq PD bastyǵynyń orynbasary Talǵat Shaıahmetov.