ShQO-da jalǵan eńbek kelisimshartyn jasaý faktileri anyqtaldy

ÓSKEMEN. QazAqparat - ShQO prokýratýrasy eńbek zańnamasyn saqtaý salasynda zańdylyqtyń saqtalýyna taldaý júrgizdi. Nátıjesinde óndirýshi men boryshker arasynda jalǵan eńbek kelisimsharttary jasalǵany anyqtaldy, dep habarlaıdy QazAqparat.

Atap aıtqanda, Óskemen qalasynyń bir kásipornynyń basshysy jalaqy boıynsha beresheginiń joqtyǵyn paıdalanyp, esepter boıynsha tólemderden jaltarmaq bolǵan.

Jalǵan kelisimsharttardy kóbinese jaldamaly jumysshylar, týys-tanystar jasaǵan. Tıisti ýaqytta qyzmetshiler jalaqy boıynsha bereshekti óndirý týraly sotqa jalǵan talap berip otyrǵan. Osymen qatar, atalǵan talapkerler múlde basqa uıymdarda jumys istegen, olarda salyq boıynsha jeke tabystar men áleýmettik salyq eseptilikteri bolmaǵan.

Qoldanystaǵy zańnamaǵa sáıkes, jalaqy boıynsha bereshek birinshi kezekte óndiriledi, osyndaı tetik kásiroryn-boryshkerge óziniń aktıvterin saqtap, tıisti tólemderden jaltarýǵa múmkindik bergen.

Júrgizilgen taldaý nátıjesinde prokýrorlar osy shemany áshkerelep, 6,4 mln teńge somany óndirý týraly sot aktilerin buzdy.

«Azamattardyń jalaqysyn ýaqtyly tóleý máseleleri oblys prokýratýrasynyń turaqty baqylaýynda ekenin atap ótý qajet. Jyldyń basynan bastap jalpy somasy 25 mln teńge quraıtyn bereshek óndirildi»,-delingen oblys prokýratýra taratqan habarlamada.