ShQO-da jalǵan dıplom jasatqan jattyqtyrýshy sottaldy
ÓSKEMEN. KAZINFORM – Shyǵys Qazaqstan oblysy Úlken Naryn aýdanynda jattyqtyrýshydan jalǵan dıplom anyqtaldy.
Aýdandyq sotta QR Qylmystyq kodekstiń 385-baby (jalǵan qujattardy, mórlerdi, blankilerdi daıyndaý nemese ótkizý, kórineý jalǵan qujatty paıdalaný) boıynsha qylmystyq is qaraldy.
Іs materıaldaryna sáıkes, 2016 jyly aýyl turǵyny naqty oqymaı-aq, tergeý anyqtamaǵan tulǵadan 700 myń teńgege «Qazaq sport jáne týrızm akademııasy» KEAQ-nyń «dene shynyqtyrý jáne sport» mamandyǵy boıynsha bakalavr dárejesi berilgen jalǵan dıplomyn satyp alǵan.
- 2022 jyldyń qyrkúıeginde D. jalǵan dıplomdy usynyp, Úlken Naryn aýdanynyń balalar men jasóspirimder sport mektebine armrestlıng boıynsha jattyqtyrýshy qyzmetine taǵaıyndalǵan. Ol bul qyzmette 2025 jyldyń jeltoqsanyna deıin jumys istedi. Jalǵan dıplomdy paıdalaný faktisi aýdan prokýratýrasynyń tekserýi barysynda anyqtaldy, - dep habarlady ShQO sotynyń baspasóz qyzmetinen.
Sot aıyptalýshyny 25 aılyq eseptik kórsetkish kóleminde aıyppul tóleýge mindettedi. Úkim áli zańdy kúshine engen joq.
Eske salsaq, osyǵan deıin Abaı oblysynyń turǵyny 600 myń teńgege dáriger dıplomyn satyp almaq bolǵany habarlanǵan.