ShQO-da jabaıy qaban úıiri fototuzaqqa túsip qaldy
NUR-SULTAN. QazAqparat - «Semeı ormany» memlekettik orman tabıǵı rezervatynda jabaıy ańdardy baqylaý úshin fotoqaqpandar ornatylyp jatyr, dep habarlaıdy QazAqparat tilshisi orman rezervatynyń Instagram-daǵy akkaýntyna silteme jasap.
«Janýarlar álemi úshin qys mezgili kelgennen keıin erekshe ýaqyt bastalady. Olardyń sanyn saqtap qalý úshin bıotehnıkalyq sharalar júrgizý qajet. Rezervatta butaqty azyq, pishen daıyndaýdan bastap naýa, jappa qurýǵa deıingi keshendi sharalar júrgizilip jatyr. Jaz ýaqytynda - sýat. Munyń barlyǵy da rezervat aýmaǵyndaǵy bıoalýantúrlilikti saqtap qalýǵa múmkindik beredi», - dedi «Semeı orman» MOTR tabıǵı keshenderdi kúzetý qyzmetiniń bólim bastyǵy Aleksandr Vershının.
Qazirgi ýaqytta rezervat aýmaǵyna fotoqaqpandardy ornatý bastalyp ta ketken. Olardyń kómegimen ormanshylar jabaıy ańdardyń sanyn baqylaýǵa alyp, eseptep otyratyn bolady. Mundaı qaqpandar naýalarǵa jaqyn ornatylady.
«Jarty saǵattyń ishinde 3 elikti keziktirdik. Al qorektendirý alańynda qaban úıirin sýretke túsirip alýǵa múmkindik týdy. Sondyqtan osy múmkindikti paıdalana otyryp, »Semeı ormany« rezervatynyń aýmaǵynda ańshylyqqa tyıym salynǵandyǵyn aıtqym keledi. Osynaý erejeni elemeıtinderge qoldanylatyn sanktsııalar óte qatań», - dep atap ótedi ol.
Esterińizge sala keteıik, zańsyz ańshylyq pen brakonerlik jasaıtyndarǵa ákimshilikpen qatar qylmystyq jaýapkershilik te qarastyrylǵan.
