ShQO-da zeınetkerdiń seıfinen 3,5 mln teńge urlap ketken er adam ustaldy
ÓSKEMEN. QazAqparat – Shyǵys Qazaqstan oblysy Glýbokoe aýdanynda zeınetkerdiń seıfinen 3,5 mln teńge urlap ketken er adam ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, tártip saqshylaryna Glýbokoe aýdany Predgornoe aýylynda turatyn 72 jastaǵy qarııa júgindi. Óz sózinde ol úıindegi jatyn bólmesinde turǵan seıftiń qulpyn buzǵan urynyń 3 500 000 mıllıon teńgesin qoldy qylǵanyn jetkizdi.
«Jedel-izdestirý sharalaryn júrgizgen polıtsııa qyzmetkerleri kúdiktini anyqtady. 34 jastaǵy jergilikti turǵyn qazirgi ýaqytta qolhatpen bosatylǵan. Atalǵan fakti boıynsha QR QK-niń 188-baby 3-bóligine (Urlyq) sáıkes sotqa deıingi tergeý amaldary bastaldy», - delingen aqparatta.
Kúdikti kinási dáleldengen jaǵdaıda 2-den 7 jylǵa deıingi merzimge bas bostandyǵynan aıyrylýy múmkin.
