ShQO-da zeınetkerdiń garajynan 38 oq tabyldy
ÓSKEMEN. QazAqparat – Shyǵys Qazaqstan oblysy Altaı aýdanynda zeınetkerdiń garajynan myltyqtyń 38 oǵy tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, krımınaldyq polıtsııa qyzmetkerleri «Quqyqtyq tártip» jedel aldyn alý sharasy barysynda 72 jastaǵy zeınetkerdiń garajyn teksergen. Nátıjesinde 38 oq tabylyp, tárkilendi.
«Saraptamaǵa sáıkes, bul 62-39 kalıbrli oq ekendigi anyqtaldy. Ózdiginen oqtalatyn karabınge, avtomattarǵa, qol pýlemetterine, ańshylyq qarýǵa qoldanylady. Oq-dári oıyq atys qarýyna arnalǵan», - dep habarlady vedomstvo ókilderi.
Qazirgi ýaqytta atalǵan fakti boıynsha QR QK-niń 287-baby 3-bóligine sáıkes sotqa deıingi tergeý amaldary júrgizilýde.
