ShQO-da zeınetkerdiń 3 mln teńgelik zergerlik buıymdary qoldy boldy
ÓSKEMEN. QazAqparat – Shyǵys Qazaqstan oblysynda qaraqshy zeınetkerdiń úıinen 3 mln teńgeniń zergerlik buıymdaryn qoldy etti, dep habarlaıdy QazAqparat.
Ury úıde eshkimniń joqtyǵyn paıdalanyp, jýynatyn bólmeniń plastık terezesin qysyp ashý arqyly ishke engen. Solaısha, zeınetkerdiń altyn buıymdaryn qoldy etip, 3 mıllıon teńgege shyǵyn keltirgen.
Tártip saqshylary jedel-izdestirý sharalary barysynda kúdiktini kóp uzamaı anyqtady.
«20 jastaǵy pavlodarlyq azamat Semeıdegi avtobeketten ustaldy. Anyqtalǵandaı, ol Almaty qalasyna qashyp ketpek bolǵan», – dep habarlady Óskemen qalalyq Polıtsııa basqarmasynyń baspasóz qyzmetinen.
Qazirgi ýaqytta QR Qylmystyq kodeksiniń 188-baby 3-bóligi (urlyq) boıynsha tergeý amaldary júrgizilýde.
Avtory: Talǵatjan Muhametbekuly
