ShQO-da zeınetkerdi tonaǵan ury ustaldy
SEMEI. QazAqparat - Zyrıan aýdanynda zeınetkerdi tonaǵan ury ustaldy. Bul týraly QazAqparat oblystyq ІІD baspasóz qyzmetine silteme jasap habarlaıdy.
31 tamyz kúni Zyrıan aýdandyq Іshki ister basqarmasyna 61 jastaǵy áıel aryzdanǵan. Aıtýynsha, úıindegi jóndeý jumystary kezinde belgisiz bireý altyn áshekeı buıymdaryn urlap ketken. Jalpy shyǵyn kólemi 395 myń teńge.
Polıtsııa qyzmetkerleri habar túskennen keıin jedel izdestirý sharalaryna kirisken. Arada uzaq ýaqyt ótpeı urynyń jeke tulǵasy anyqtalyp, onyń 32 jastaǵy aýdan turǵyny ekeni belgili boldy.
Álgi áıel úıindegi jóndeý jumystaryna kómektesý úshin jergilikti turǵyndardyń kómegine júgingen. Al azamat bir aı boıy jumys isteı júrip, úı ıesiniń aqshasy men baǵaly zattarynyń qaıda turatynyn bilgen. Keıin altyn áshekeı buıymdardy jymqyryp, lombardqa ótkizgen.
«Tergeý kezinde azamat kinásin moıyndady. Qazir QR QK-niń 188 baby, 1-shi tarmaǵy (Urlyq) boıynsha sotqa deıingi tergeý bastaldy»,- delingen habarlamada.
