ShQO-da zeınetkerdi órtten qutqarǵan polıtseı marapattaldy
ÓSKEMEN. QazAqparat – Shyǵys Qazaqstan oblysynda zeınetkerdi órtten qutqarǵan polıtsııa qyzmetkeri marapattaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshysy Aıbek Burmantaev ótken jyldyń jeltoqsan aıynda otqa oranǵan úıge kirip, qart kisini syrtqa alyp shyqqan.
Osylaısha óz ómirin qaterge tikken polıtseı zeınetkerdi ajaldan arashalap qaldy.
«Búgin Aıagóz aýdanynyń ýchaskelik polıtsııa ınspektory Aıbek Býrmantaevqa qurmet kórsetildi. Polıtsııa aǵa leıtenantyna óziniń qyzmettik mindetterin adal atqarǵany jáne adamdy órtten qutqarý kezinde kórsetken batyldyǵy men qaısarlyǵy úshin QR ІІM-niń «Quqyq tártibine qosqan úlesi úshin» medali saltanatty túrde tabys etildi», - dep habarlady vedomstvo ókilderi.
Esterińizge sala ketsek, osyǵan deıin ShQO polıtseıleriniń joǵalǵan 19 jylqyny ıesine qaıtarǵanyn habarlaǵan bolatynbyz.
