ShQO-da zeınetker 83 jastaǵy kórshisiniń aqshasyn urlap ketken

ÓSKEMEN. QazAqparat – Shyǵys Qazaqstan oblysy Glýbokoe aýdanynda zeınetker 83 jastaǵy kórshisiniń aqshasyn urlap ketken, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, aqpan aıynyń sońynda Glýbokoe aýdandyq polıtsııa bóliminiń «102» jedel arnasyna 83 jastaǵy qart kisi habarlasqan.

Onyń aıtýynsha, 66 jastaǵy kórshisi úıinen 88 000 teńge mólsherindegi aqshasyn urlap ketken.

«Jedel-izdestirý sharalaryn júrgizgen polıtsııa qyzmetkerleri jábirlenýshiniń kórshisin ustady. Kúdikti óz kinásin moıyndap otyr. Urlanǵan aqshanyń biraz bóligi qaıtaryldy», - dep habarlady vedomstvo ókilderi.

Qazirgi ýaqytta atalǵan fakti boıynsha QR Qylmystyq Kodeksiniń 188-baby 1-bóligine sáıkes sotqa deıingi tergeý amaldary júrgizilýde.