ShQO-da zańsyz jolaýshy tasymalymen aınalysatyndar kúrt kóbeıgen
ÓSKEMEN. QazAqparat – Shyǵys Qazaqstan oblysynda zańsyz jolaýshy tasymalymen aınalysatyndar kúrt kóbeıdi, dep habarlaıdy QazAqparat tilshisi.
ShQO jolaýshylar kóligi jáne avtomobıl joldary basqarmasynyń málimetine súıensek, pandemııa bastalyp koronavırýs órshigen tusta óńir aýmaǵynda jolaýshy tasymaldaıtyn avtobýstar toqtaǵan bolatyn. Sol kezde azamattar qala, aýyl arasynda qatynaıtyn taksılerdiń qyzmetine kóptep júgingen. Qazir indettiń beti qaıtqanymen zańsyz tasymaldaýshylar qyzmeti tyıylmaı tur.
«Olar eshqaıda tirkelmegendikten memleketke salyq tólemeıdi. Óz qyzmetin mobıldi qosymshalar men áleýmettik jeliler arqyly júzege asyrady. Biz mundaı tasymaldaýshynyń kim ekenin de anyqtaı almaımyz. Kóbisi reseılik memlekettik nómiri bar kólikpen júredi», - deıdi basqarma basshysynyń orynbasary Aıjan Rahymbaeva.
Onyń aıtýynsha, zańsyz jolaýshy tasymalymen aınalysatyndar kúrt kóbeıip ketkendikten shara qabyldanýy kerek. Búginde kóleńkeli bıznestiń bul túrine qatysty atqarylýy tıis jumys jospary ázirlenip jatyr.
