ShQO-da zańsyz turyp jatqan 11 ózbekstandyq anyqtaldy

ÓSKEMEN. QazAqparat – Shyǵys Qazaqstan oblysynda zańsyz turyp jatqan 11 ózbekstandyq anyqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Zaısan aýdanynda kóshi-qon qyzmetiniń mamandary bazarlarǵa, óńir aýmaǵynda ýaqytsha jáne turaqty turatyn sheteldik azamattardyń turǵylyqty jerlerine, qurylys nysandaryna tekserý júrgizdi.

«Sonyń nátıjesinde, aýlalardyń birinde kózge túsken Ózbekstannyń eki azamatynyń yqtııarhatsyz turyp kelgeni anyqtaldy. Sheteldikter QR ÁQBtK-niń 517-baby 4-bóligi boıynsha memleket aýmaǵynan shyǵaryldy», - dep habarlady vedomstvo ókilderi.

Budan bólek, Altaı aýdanynda zańsyz turyp jatqan 9 ózbekstandyq anyqtalǵan. Olarǵa hattama toltyrylyp, «eskertý» túrindegi ákimshilik jaza taǵaıyndaldy.