ShQO-da zańsyz aınalymnan 20-ǵa jýyq qarý tárkilendi
ShQO Polıtsııa departamenti baspasóz qyzmetiniń málimetine súıensek, tártip saqshylary 5 jeltoqsannan bastap óńir aýmaǵynda «Quqyqtyq tártip» jedel aldyn alý sharasyn ótkizip jatyr. Sonyń barysynda 5 800-den astam ákimshilik quqyq buzýshylyq anyqtaldy.
«Onyń ishinde 860 usaq buzaqylyq, 1 043 qoǵamdyq oryndarda mas kúıde júrý faktisi tirkeldi. Polıtseıler jalǵa beriletin 720 páter men esepte turǵan 4 200-den astam adamdy turǵylyqty jeri boıynsha tekserdi. Esirtki zattaryn saqtaǵan 7 adam ustaldy», - delingen aqparatta.
Budan bólek, zańsyz aınalymnan 19 qarý tárkilendi. Máselen, Ulan aýdanynyń 39 jastaǵy turǵynnyń úıinde jatyn bólmesinen 16 kalıbrli tegis uńǵyly myltyq tabylǵan. Atalǵan fakti boıynsha QR ÁQBtK-niń 482-baby 1-bóligine sáıkes ákimshilik hattama toltyryldy.
