ShQO-da zańsyz ań aýlaǵan 20 adam jaýapqa tartyldy

ÓSKEMEN. QazAqparat – Shyǵys Qazaqstan oblysynda zańsyz ań aýlaǵan 20 adam jaýapqa tartyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary óńir boıynsha 20 qazannan bastap «Brakoner» jedel-aldyn alý sharasyn júrgizýde. Mundaǵy maqsat – brakonerlikti, bıologııalyq resýrstardyń zańsyz aınalymyn anyqtaý jáne jolyn kesý.

«Sharanyń eki kúninde 37 reıd ótkizildi. Sonyń nátıjesinde, tabıǵat qorǵaý zańnamasynda 33 quqyq buzýshylyq anyqtaldy. Onyń ishinde ań aýlaý erejelerin buzǵany úshin – 20, balyq aýlaý erejelerin saqtamaǵany úshin – 13 adam jaýapqa tartyldy», - dep habarlady vedomstvo ókilderi.

Sondaı-aq QR QK-niń 335-babyna sáıkes 2 sotqa deıingi tergeý amaldary bastalǵan.

Aıta keteıik, «Brakoner» jedel-aldyn alý sharasy 19 qarashaǵa deıin jalǵaspaq.