ShQO-da zańsyz jumys istegen 7 sheteldik el aýmaǵynan shyǵaryldy
ÓSKEMEN. KAZINFORM — Shyǵys Qazaqstan oblysynda zańsyz jumys istep júrgen 7 sheteldik el aýmaǵynan shyǵaryldy.
Búginde óńir boıynsha «Nelegal-2026» jedel aldyn alý sharasy júrgizilip jatyr. Sonyń aıasynda kóshi-qon qyzmetkerleri shetel azamattary men jumys berýshilerdiń zańnama talaptaryn saqtaýyn, onyń ishinde el aýmaǵynda bolý jáne eńbek qyzmetin júzege asyrý zańdylyǵyn tekserip jatyr.
— Tekserýlerdiń birinde kórshiles memlekettiń 7 azamatynyń ýákiletti organnyń ruqsatynsyz jumys istegeni jáne Qazaqstan Respýblıkasynda ýaqytsha bolýǵa quqyq beretin qujattary bolmaǵany anyqtaldy. Kóshi-qon zańnamasyn qaıtalap buzǵany úshin sheteldikter QR aýmaǵynan shyǵaryldy. Olarǵa Qazaqstanǵa bes jyl merzimge kirýge tyıym salyndy, — dep habarlady ShQO Polıtsııa departamentinen.
Shetel azamattarynyń eńbegin paıdalaný kezinde zańnama talaptaryn buzǵan jumys berýshi de ákimshilik jaýapkershilikke tartyldy.
Eske salsaq, osyǵan deıin SQO-da jyl basynan beri 700-ge jýyq sheteldik jaýapqa tartylǵany habarlanǵan.
