ShQO-da zańsyz taksı qyzmetin kórsetken 90-ǵa jýyq júrgizýshi anyqtaldy
ÓSKEMEN. KAZINFORM – Shyǵys Qazaqstan oblysynyń polıtseıleri bir apta ishinde jol erejesin buzýdyń 1 700-den astam faktisin tirkedi.
ShQO polıtsııa departamenti baspasóz qyzmetiniń málimetine súıensek, tártip saqshylary jol-kólik oqıǵalarynyń aldyn alýǵa jáne joldaǵy tártipti kúsheıtý maqsatynda «Qaýipsiz jol» jedel aldyn alý sharasyn júrgizdi.
- Jeti kún ishinde jol júrisi qaǵıdalaryn buzýdyń 1 700-den astam faktisi anyqtaldy. Onyń ishinde 20 júrgizýshi kólikti mas kúıde basqarǵan. Olardyń arasynda buǵan deıin kólik basqarý quqyǵynan aıyrylǵan júrgizýshi boldy. Sonymen qatar qarsy baǵytqa shyǵýdyń 23 jáne belgilengen jyldamdyqty asyrýdyń 620 deregi tirkeldi, - delingen aqparatta.
Jol qaýipsizdigin qamtamasyz etý maqsatynda belgilengen talaptarǵa saı kelmeıtin 186 kólikti aıdaýǵa tyıym salyndy. Arnaıy turaqtarǵa 105 tehnıka, onyń ishinde 28 elektr samokaty men 18 motokólik qoıyldy.
- Shara barysynda zańsyz jolaýshylar tasymalyn anyqtaý boıynsha jumystar jalǵasyp jatyr. Polıtsııa qyzmetkerleri taksı qyzmetin zańsyz kórsetýdiń 87 faktisiniń jolyn kesti, - delingen habarlamada.
Eske salsaq, osyǵan deıin Jarkentte kólik jolǵa shyǵyp ketken velosıpedshi balany qaǵyp ketkeni habarlanǵan.
