ShQO-da zańsyz taksı qyzmetin kórsetken 20-dan astam adam anyqtaldy
ÓSKEMEN. KAZINFORM – Shyǵys Qazaqstan oblysynda 3 kún ishinde zańsyz taksı qyzmetin kórsetken 23 adam anyqtaldy.
Óńir polıtseıleri «Tasymaldaýshy» jedel aldyn alý sharasy barysynda jolaýshy tasymaldaýmen aınalysatyndarǵa qatysty tekserý júrgizdi.
- Úsh kún ishinde jol erejesin buzýdyń 915 deregi anyqtalyp, 39 kólik mamandandyrylǵan turaqqa qoıyldy. Tártip saqshylary qoǵamdyq oryndarda taksı qyzmetin kórsetý maqsatynda mazasyzdyq týdyrýdyń 44, zańsyz taksı qyzmetin kórsetýdiń 23, kólik quraldaryn zańsyz qaıta jabdyqtaýdyń 24 faktisin anyqtady, - dep habarlady ShQO polıtsııa departamentinen.
Sondaı-aq tehnıkalyq baıqaýdan ótpegen 31, jolaýshy, bagaj jáne júk tasymaldaý erejelerin buzǵan 17, tehnıkalyq reglamentter talaptaryna sáıkes kelmeıtin 89 avtokólik júrgizýshisi jaýapqa tartyldy.
- Jol qaýipsizdigine tikeleı qater tóndiretin óreskel quqyqbuzýshylyqtardyń da joly kesildi. Atap aıtqanda, 12 júrgizýshi mas kúıde kólik basqarsa, qarsy baǵytqa shyǵyp ketýdiń 3 jáne kólik aıdaýǵa quqyǵy joq adamdardyń rýlge otyrýynyń 3 jaǵdaıy tirkeldi, - delingen aqparatta.
Eske salsaq, osyǵan deıin Túrkistan oblysynda jol erejesin buzǵan toı kortejiniń júrgizýshileri jazalanǵany habarlanǵan.
