ShQO-da zańsyz altyn óndirýmen aınalysqan 6 adam ustaldy
ÓSKEMEN. KAZINFORM – Shyǵys Qazaqstan oblysynda polıtseıler arnaıy tehnıkamen zańsyz altyn óndirý faktisin anyqtady.
ShQO PD Uıymdasqan qylmysqa qarsy kúres basqarmasynyń qyzmetkerleri óńir aýdandarynyń birinde baǵaly paıdaly qazbalardy zańsyz óndirýmen aınalysqan bir top adamdy ustady. Qylmystyq áreketti tolyq tirkeý maqsatynda jedel ýákilder ushqyshsyz basqarylatyn ushý apparatyn paıdalanǵan.
– Sol arqyly zańsyz qazý jumystary júrgizilgen jerdiń naqty orny anyqtaldy. Jedel is-sharalar nátıjesinde oqıǵa ornynan 6 adam ustaldy. Tergeý áreketteri barysynda bir ekskavator, úsh metall izdegish qurylǵy, 2 avtokólik jáne topyraq úlgileri alyndy, - dep habarlady departamenttiń baspasóz qyzmetinen.
Atalǵan fakti boıynsha sotqa deıingi tergeý amaldary bastaldy. Jerasty resýrstaryna keltirilgen zalaldyń mólsherin anyqtaý úshin tıisti saraptama taǵaıyndaldy.
Eske salsaq, osyǵan deıin Şýche kóli jaǵalaýyndaǵy 53,4 mln teńgeniń jer ýchaskesi memleketke qaıtarylǵany habarlanǵan.