ShQO-da zańger stýdentter Máskeý ýnıversıtetinde bilim alýǵa múmkindik aldy
ÓSKEMEN. QazAqparat - Shyǵys Qazaqstan oblysynda zańger mamandyǵyn meńgerip júrgen stýdentter Máskeý qalasynda bilim alýǵa múmkindik aldy. Bul týraly S.Amanjolov atyndaǵy ShQMÝ-da ótken dóńgelek ústel barysynda belgili bolǵan. Shara barysynda Reseı jáne Shyǵys Qazaqstan mamandary eki memleket prokýratýralarynyń azamattardyń quqyqtaryn qorǵaýdaǵy rólin talqylady, dep habarlaıdy aqparat ortalyǵyna silteme jasaǵan «QazAqparat» HAA.
Reseı tarapynan Kýtafın atyndaǵy Máskeý memlekettik zań ýnıversıtetiniń sot jáne prokýrorlyq-tergeý qyzmetin uıymdastyrý kafedrasynyń meńgerýshisi Tatıana Otcheskaıa sóz sóıledi.
«Bizdiń ýnıversıtetterimiz birlesken jumys týraly memorandýmǵa qol qoıdy. Ótken jyly biz Amanjolov atyndaǵy ShQMÝ-de konferentsııaǵa qatystyq, al bıyl ýnıversıtet meni stýdentter úshin Reseıdegi sot jáne prokýrorlyq-tergeý qyzmetin uıymdastyrý máseleleri boıynsha dáris oqýǵa shaqyrdy. Bul taqyrypta biz eki memleket zańnamalarynyń salystyrmaly taldaýyn júrgizdik. Bizdiń ýnıversıtetterimizdiń stýdentteri men oqytýshylary bir-birimen tájirıbe almassa, tamasha bolatyn edi», - deıdi Tatıana Otcheskaıa.
«Biz tájirıbe almasýǵa nıettimiz. Sondyqtan bizdiń stýdentterimiz akademııalyq mobıldilik baǵdarlamasymen Máskeýge barý múmkindigin josparlap otyrmyz. Sondaı-aq Tatarstan Respýblıkasymen yntymaqtastyq ornatqymyz keledi», - dep qorytyndylady áńgimeni Amanjolov atyndaǵy ShQMÝ rektory Muhtar Tólegen.
