ShQO-da volonterler qutqarýshylarmen etene jaqyn jumys istedi
Eriktiler jyly da aıaqtalýǵa shaq qaldy. Koronavırýs pandemııasy kezinde volonterlerdiń róli burynǵydan arta túskeni anyq. Búginde Shyǵys Qazaqstanda 192 úkimettik emes uıym tirkelgen, onyń ishinde 12 qoǵamdyq birlestik ShQO TJD-men tabıǵı jáne tehnogendik sıpattaǵy tótenshe jaǵdaılardyń aldyn alý boıynsha seriktestik ornatqan.
«17 volonterlik uıymmen memorandýmǵa qol qoıdyq. Pandemııa kezinde 261 erikti sanıtarlyq normalardy saqtaı otyryp turǵyn úılerdi aralaýǵa kiristi. Sondaı-aq erekshe qajettilikteri bar balalardy tárbıelep otyrǵan otbasylarǵa ystan qorǵaıtyn 700 datchıkti ornatýǵa atsalysty. Turǵyndarǵa tótenshe jaǵdaılar kezinde áreket etý erejelerin úıretý úshin oqý-jattyǵý is-sharalaryn ótkizý kezinde qoǵamdyq birlestikter kóp kómek kórsetti», - dep habarlady ShQO Tótenshe jaǵdaılar departamentiniń baspasóz qyzmeti.
Eriktiler jylyndaǵy basty jańalyq – departamenttiń kazvolonters.kz saıtyna tirkelýi boldy. Onda órt shyǵýdyń, ıis tııýdiń aldyn alýǵa baǵyttalǵan eki joba engizilgen.
«Pandemııa barlyǵymyz úshin jaqsy synaq boldy. Kez kelgen qıyndyqqa daıyn bolý, muqtaj jandarǵa qolyńnan kelgenshe kómektesý – bul qutqarýshylar men eriktilerdiń ortaq ustanymy», - dedi «Nur Otan» partııasy ShQOF «Jas Otan» jastar qanatynyń ókili Sholpan Musabaeva.