ShQO-da volonterler qıyn jaǵdaıǵa tap bolǵan otbasylarǵa kómektesti
ShQO Aqparat ortalyǵynyń málimetinshe, barlyq qıyndyqtar men synaqtarǵa qaramastan osy jyl eldegi volonterlikti damytýdyń jańa kezeńi boldy. Árbir óńirde jáne qalada eriktiler jumyla jumys istedi. Osy rette, Shyǵys Qazaqstan oblysy Altaı aýdanyndaǵy Dostyq úıiniń eriktileri ómirlik qıyn jaǵdaıǵa tap bolǵan birneshe otbasyǵa kómektesti.
Volonterler óz kúshterimen qajetti kıim-keshekti, balalar men jasóspirimderge arnalǵan zattardy jınap, Altaı qalasyndaǵy jáne Turǵysyn aýylyndaǵy otbasylarǵa tabystady.
«Bizdiń komanda músheleriniń árqaısysy ıgi iske erekshe yqylaspen qaraı otyryp, balalarǵa arnalǵan zattardy qamqorlyqpen iriktep aldy. Barlyq otbasylarǵa jetkilikti zattardyń bar ekenine kóz jetkizip, biz jumyspen qamtý bóliminiń mamandarymen birge jolǵa shyqtyq», – deıdi Altaı aýdany QHA eriktiler qozǵalysy ortalyǵynyń jetekshisi Irına Tımofeeva.
