ShQO-da volonterler 800-den astam azyq-túlik sebetin taratty
ShQO Іshki saıasat basqarmasynyń habarlaýynsha, búginde óńir volonterleri jańa formattaǵy jumysqa kóshken. Naqty aıtqanda, qalyń kópshilikke arnap, koronavırýstyń aldyn-alý týraly keńester jazylǵan jadynamalar men arnaıy gazet shyǵarylymdaryn taratyp, birneshe márte paıdalanýǵa bolatyn maskalar tikti.
«Jalpy aımaq boıynsha kópbalaly januıalarǵa, az qamtylǵan otbasylarǵa, jalǵyzbasty qarttarǵa 17 myńǵa jýyq medıtsınalyq maska men 800-den astam astam azyq-túlik sebeti berilse, oblys turǵyndaryna 845 myń dana gazet taratylǵan. Sondaı-aq 410 erikti Óskemen jáne Semeı qalalaryndaǵy І, ІІ top múgedekteri men 70-ten asqan zeınetkerlerge azyq-túlikti, qajetti taýarlar men dári-dármekterdi jetkizip berýde. Volonterler quqyq qorǵaý organdarymen birlesip halyqqa túsindirý jumystaryn da júrgizip jatyr», - delingen málimette.
Budan bólek, oblys eriktileri «Jylý syıla», «Qaıyrymdy kórshiler» aktsııalaryn uıymdastyrdy. Sonyń aıasynda polıtseılerge, áskerı qyzmetkerler men dárigerlerge ystyq shaı, baýyrsaq taratylyp, qarttardyń aýlalary tazartylyp, olarǵa tamaq pen dári-dármek satyp alýǵa kómek kórsetilgen.
Áleýmettik jelilerde «Men úıdemin», «Úıde ýaqytty paıdaly ótkizeıik» syndy chellendjdar bastalyp, 300-den astam beınerolıkter jarııalandy.
Aıta keteıik, barlyq volenterler medıtsınalyq maskalarmen, kolǵaptarmen, qorǵanys kostıýmderimen jáne antıseptıktermen tolyqtaı qamtamasyz etilgen. Aımaqtyq front-keńse bazasyna oblystyń 19 qalasy men aýdandarynan myńnan astam erikti engizilgen.