ShQO-da volleıboldan kúzgi balalar lıgasy ótedi
ASTANA. QazAqparat - Óskemende qazannyń 15-i men 20-sy kúni volleıboldan 2000-2001, 2002-2003, 2004-2006 j.t qyzdar jáne uldar arasynda balalar lıgasynyń ShQO kúzgi chempıonaty jalaýyn jelbiretedi, dep habarlaıdy oblystyq Dene shynyqtyrý jáne sport basqarmasynyń baspasóz qyzmeti.
Kóp kezeńnen turatyn oblystyq báseke jyl saıyn ótkizilip keledi. Atalmysh básekege óskemendik komandadan bólek, oblystaǵy aýdandardan jáne Semeı qalasynan sportshylar keledi dep kútilýde.
Sporttyq is-shara ShQO Dene shynyqtyrý jáne sport basqarmasynyń Shyǵys Qazaqstan oblysynyń sportta daryndy balalarǵa arnalǵan mektebinde ótedi.
Jarystyń alǵashqy kúninde uldar jarys jolyna shyǵady. Artynsha sportshylarǵa bir kún demalys berilip, qazannyń 18-inen saıys sońyna deıin qyzdar básekesi ótedi.
