ShQO-da vırýstyq ınfektsııalar boıynsha epıdemıologııalyq jaǵdaı turaqty
ÓSKEMEN. QazAqparat – Shyǵys Qazaqstan oblysynda JRVI men tumaý boıynsha epıdemıologııalyq jaǵdaı turaqty, dep habarlaıdy QazAqparat.
ShQO taýarlar men qyzmetterdiń sapasy men qaýipsizdigin baqylaý departamentiniń málimetine súıensek, epıdemııalyq maýsym bastalǵaly beri (2019 jyldyń 1 qazanynan 2020 jyldyń 5 naýryzyna deıin) JRVI-men aýyrǵan naýqastar sany – 50 794. Bul kórsetkish ótken jylǵy osy kezeńmen salystyrǵanda 5,8%-ǵa artyq.
Belgili bolǵandaı, kóbine 14 jasqa deıingi balalar syrqatqa ushyrapty (61,1%).
«JRVI men tumaýdan kóz jumǵandar jáne aýyr naýqastar tirkelgen joq. Epıdemıologııalyq jaǵdaıdy turaqtandyrý úshin túrli sharalar qolǵa alynǵan. Kún saıyn JRVI men tumaý aýrýynyń deńgeıi baqylanyp, oblystyń barlyq medıtsınalyq mekemelerinde shekteý sharalary engizilgen», - dep habarlady departament mamandary.
