ShQO-da vetstansa yqtımal merdigermen aldyn ala sóz baılasyp, tenderdi soǵan bermek bolǵan
ASTANA. KAZINFORM — Antıkor jelide taraǵan aqparatqa oraı málimdeme jasady.
Jelide ShQO-da memlekettik satyp alý kezinde tapsyrys berýshi men ónim berýshi arasyndaǵy yqtımal sóz baılasý týraly aqparat taraǵan edi.
«BAQ suraýlarynan keıin jemqorlyqqa qarsy volonter memlekettik satyp alý portalyna monıtorıng jasady. Onyń barysynda ShQO aýyl sharýashylyǵy basqarmasynyń „Samar-Vet“ ShJQ KMK tapsyrys berýshi men qyzmet kórsetýshi arasynda yqtımal sóz baılasý faktisi anyqtaldy» deıdi Sybaılas jemqorlyqqa qarsy is-qımyl agenttiginen.
Atalǵan aqparat jumysqa alyndy.
Shyǵys Qazaqstan oblysy boıynsha sybaılas jemqorlyqqa qarsy qyzmettiń usynysymen konkýrs toqtatyldy.
«Sonymen qatar, bul derek tirkeldi. QR QPK 181-baby 5-bóligi tártibimen is aımaq ákiminiń apparatyna jáne ishki memlekettik aýdıt departamentine joldandy» deıdi Antıkor.
