ShQO-da velosıpedtiń bir bólshegi aıaǵyna kirgen balaǵa qutqarýshylar kómektesti

ÓSKEMEN. QazAqparat – Shyǵys Qazaqstan oblysynda velosıpedtiń bir bólshegi aıaǵyna kirgen 10 jasar balaǵa qutqarýshylar kómekke keldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, velosıped teýip júrgen balanyń aıaǵyn armatýra qysyp qalǵan.

«Bala qulaǵan kezde tejegish tutqasy sanyna kirip ketken. Oqıǵa ornyna kelip jetken jedel-qutqarý jasaǵynyń qyzmetkerleri gıdravlıka quralynyń kómegimen rýldi qıyp aldy. Sodan soń zardap shekken 10 jastaǵy bala jedel járdem dárigerlerine tapsyrdy», - dep habarlady vedomstvo ókilderi.

Osy rette, TJD mamandary ata-analarǵa balalaryn qaraýsyz qaldyrmaý qajettigi týraly eskertedi. Qandaı da bir qıyndyq týyndaǵan jaǵdaıda «112» nómirine qońyraý shalý kerek.