ShQO-da vagonnan 160 myrysh quımasyn urlaǵandar ustaldy
ASTANA. QazAqparat - Polıtsııa temirjol júk vagonynan 160 dana «myrysh quımany» urlaǵan 4 jigitti ustady. Metaldyń jalpy quny 1 mln teńgege baǵalanyp otyr.
QR ІІM Kóliktegi ІІD-niń baspasóz qyzmetiniń habarlaýynsha, 18 qańtarda Semeı stansasynyń Іshki ister jelilik bóliminiń qyzmetkerleri júrgizgen jedel-izdestirý is-sharasy barysynda Shar stansasynda júk vagondarynan 160 myrysh quımasyn urlaǵan 4 jigitti izin sýytpaı ustaǵan.
Atalǵan qylmys QR QK 188-baby (urlyq) boıynsha sotqa deıingi tergeýdiń biryńǵaı tizilimine tirkeldi.
Ustalǵandar atalǵan qylmysqa qatysty óz kinálaryn moıyndady. Urlanǵan zattar tárkilenip alyndy.
