ShQO-da úzdik kitaphanashylar anyqtaldy
ÓSKEMEN. QazAqparat - Shyǵys Qazaqstannyń úzdik kolledj kitaphanashylaryn anyqtaǵan konkýrs ótti, dep habarlaıdy QazAqparat tilshisi.
Óskemende «Kolledjdiń úzdik kitaphanashysy» baıqaýy ótti. Óńirdiń ondaǵan kolledjinen kelgen kitaphana isiniń mamandary zamanaýı tehnologııalyq tásilderdi óz kásibinde qanshalyqty ıgergenderin kórsetip, oqyrmanmen jumystyń ádistemelerin usyndy.
Jarys qorytyndysy boıynsha, óńirdegi eń úzdik kolledj kitaphanashysy bolyp Marjan Burynbaeva tanyldy. Ol oblys ortalyǵyndaǵy medıtsınalyq kolledjde jumys isteıdi. Ekinshi oryn R.Baıseıitov atyndaǵy Semeı ekonomıkalyq kolledjiniń qyzmetkeri Qymbat Myltyqbaevaǵa buıyrsa, úshinshi oryndy Kúrshim aýdandyq kolledji men Oblystyq sport kolledjiniń kitaphanashylary Gúlbarshyn Kókeshova men Larısa Broısevıch ózara bólisti. Birinshi oryn ıegerine noýtbýk tabystalsa, qalǵan júldegerlerge uıaly telefon men elektrondy kitaptar berildi.
Oblystyq kezeń júldegerleri endi Almatyda ótetin respýblıkalyq baıqaýda óńir namysyn qorǵaıdy.
