ShQO-da úıin sý basqan turǵyndar ornalastyrylatyn 121 pýnkt daıyndaldy
ShQO Tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda sý tasqynynyń aldyn alý sharalary qyzý júrgizilýde.
«Qalalar men aýdandardyń ákimdikteri jalpy uzyndyǵy 140 shaqyrym arnany, 434 aryqty tazartyp, tereńdetý jumystaryn júrgizdi. Avtokólik joldarynda 1688 sý ótkizý qurylysy, temirjoldardaǵy 90 sý ótkizý qurylysy, 299 kópir tazartylyp, 3 sý burý arnasy jasaldy», - delingen habarlamada.
Respýblıkalyq mańyzy bar joldardaǵy 334 sý ótkizý kanaly men 85 kópir qardan tazartylǵan.
«Oblystaǵy qala, aýdandardyń kóshelerin qardan tazartý jumystary jalǵasýda. Qys bastalǵaly qazirgi ýaqytqa deıin 454,8 myń tekshe metrden astam qar shyǵaryldy. Turǵyn úılerdi sý basqan jaǵdaıda halyqty ýaqytsha ornalastyratyn 121 pýnkt daıyndady», - delingen aqparatta.
Jalpy Shyǵys Qazaqstan oblysynda sý tasqyny jaǵdaıy ýshyǵyp ketse 1 719 adam, 756 tehnıka, 83 júzý quraly jáne 224 motopompa saqadaı saı tur. Sondaı-aq qajet bolǵan jaǵdaıda QR TJM №68303 áskerı bóliminiń kúshteri men quraldary jumyldyrylady.