ShQO-da úıdiń ishinde gaz ballony jarylyp ketti
ASTANA. QazAqparat - Shyǵys Qazaqstan oblysy Glýbokoe aýdanynda úıdegi gaz ballony jarylyp, oqıǵa saldarynan bir adam zardap shekti, dep habarlaıy «QazAqparat» ShQO TJD baspasóz qyzmetine silteme jasap.
Oqıǵa 13 sáýir kúni Bobrovka aýylyndaǵy Zarechnyı kóshesinde bolǵan. Kórshiler aldymen jarylysty estigenin, artynsha órt shyqqanyn aıtady. Olar birden órt sóndirý qyzmetine qońyraý shalǵan. Úı ıesi gaz ballonyn dalaǵa shyǵaryp úlgergen, degenmen onyń qoly men betiniń biraz bóligin kúıik shaldy. 1956 jyly týǵan er adamǵa apattyq medıtsına ortalyǵynyń qyzmetkerleri alǵashqy kómek kórsetti.
Órt sóndirýshiler tilsiz jaýdy tolyqtaı toqtatty. Órt tıgen aýmaqtyń jalpy kólemi 150 sharshy metr. Oqıǵaǵa órt qaýipsizdik tehnıkasyn jáne gaz ballonyn paıdalaný erejeleriniń saqtalmaýy sebep bolǵan degen nusqa qaralýda.
Tilsiz jaýdy aýyzdyqtaýǵa barlyǵy 3 tehnıka birligi men jeke quramnan 12 órt sóndirýshi tartyldy.
