ShQO-da úıden qashyp ketken 4 jasar bala tabyldy
ÓSKEMEN. QazAqparat – Shyǵys Qazaqstan oblysy Altaı aýdanynda ata-anasyna renjigen bala úıden qashyp ketken, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «102» jedel arnasyna habarlasqan Altaı qalasynyń turǵyny Jeńis saıabaǵynda qarshadaı balanyń jalǵyz júrgenin aıtty. Tártip saqshylary sol jerge dereý kelip, oqıǵanyń mán-jaıyn anyqtaýǵa kiristi.
«Polıtsııa maıory Janna Qasymjanova balany áńgimege tartyp, atyn, jasyn surady. Belgili bolǵandaı, 4 jasar balaqaı anasy úı sharýasymen aınalysyp jatqan kezde qashyp ketken. Ol batýtqa aparmaǵany úshin ákesine renjip qalǵan eken», - delingen aqparatta.
Balanyń ózimen birge alyp júrgen kishkentaı sómkesinen ákesiniń jeke kýáligi men uıaly telefony tabyldy. Osylaısha, ata-anasynyń kim ekeni jáne turǵylyqty mekenjaıy belgili boldy. Birneshe mınýt ishinde polıtseıler balany ata-anasyna jetkizdi. Anasy ulynyń aman-esen oralǵanyna qýandy.
Esterińizge sala ketsek, osyǵan deıin Óskemende aıyppulyn tólemegen 30 júrgizýshi jaıaý qalǵanyn habarlaǵan edik.
