ShQO-da úsh jyl ishinde 8 stýdentter jataqhanasy salynady
NUR-SULTAN. QazAqparat - Qazirgi ýaqytta óńirde Elbasynyń úshinshi bastamasyn oryndaý sheńberinde joǵary bilimniń qoljetimdiligi men sapasyn arttyrý, stýdent jastardyń ómir súrý jaǵdaıyn jaqsartý boıynsha is-sharalar júzege asyrylýda, dep habarlaıdy ShQO ákiminiń baspasóz qyzmeti.
Búgingi tańda stýdentter úshin qolaıly jaǵdaı jasalýda. Óńirdiń 7 joǵary oqý ornynda 17 jataqhana, 28 kolledjde - 30 jataqhana bar. 2023 jylǵa deıin 3348 oryndyq taǵy 8 jataqhana salynatyn bolady.
2020 jyly Óskemen qalasynda 672 oryndyq medıtsınalyq jáne qurylys kolledjderi úshin, sondaı-aq Semeı qalasynyń bıznes jáne servıs kolledji úshin 288 oryndyq úsh jataqhana salý josparlanýda.
Danıal Ahmetov bazasynda óndiristik tájirıbe ótetin kolledjder mamandandyrylǵan jabdyqtarmen jabdyqtalatynyn atap ótti.
«Osy keshendi sharalar arqyly biz umtylatyn túpki maqsat – óńir kolledj túlekteriniń jumysqa ornalasý koeffıtsıentin 92 paıyzǵa deıin jetkizý. Biz burynǵysynsha kóp balaly jáne az qamtamasyz etilgen otbasylardan shyqqan balalar úshin joǵary bilimge qol jetkizýge erekshe nazar aýdarýymyz qajet», - dedi Danıal Ahmetov.
