ShQO-da úsh kúnde mal urlyǵyna qatysty 17 qylmys ashyldy

ÓSKEMEN. QazAqparat – Shyǵys Qazaqstan oblysynda úsh kún ishinde mal urlyǵyna qatysty 17 qylmys ashyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, óńir aýmaǵynda 15 qarashadan bastap «Mal urlyǵy» jedel aldyn alý sharasy júrgizilýde. Polıtsııa qyzmetkerleri 3 kún ishinde 17 qylmysty ashqan. Sondaı-aq 66 bas mal tabylyp, ıelerine qaıtaryldy.

«Qaraýsyz jaıylyp júrgen 723 mal arnaıy turaqqa qamaldy. Mal jaıý erejelerin buzǵany úshin 148 sharýager QR ÁQBtK-niń 408-baby boıynsha ákimshilik jaýapkershilikke tartyldy», - delingen aqparatta.

Shara barysynda mal jáne et ónimderin tasymaldaıtyn 571 avtokólik, 427 sharýa qojalyǵy men et satylatyn 197 saýda orny tekserildi. Veterınarııa salasynda quqyq buzýshylyq jasaǵan 45 adamǵa ÁQBtK-niń 406-babyna sáıkes aıyppul salyndy.