ShQO-da úsh kúnde 70 tonnadan astam pishen órtendi
ÓSKEMEN. QazAqparat – Shyǵys Qazaqstan oblysynda 3 kún ishinde 6 órt oqıǵasy tirkeldi, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, Abaı aýdanyndaǵy jeke turǵyn úıdiń aýlasynda 7,5 tonna, Katonqaraǵaıda 12 tonna, Jarmada 1,5 tonna, Zaısanda 18 tonna pishen janyp ketti.
«Shóp tasymaldaý kezinde «Zıl-130» kóliginiń artyndaǵy 2 tonna pishen, kabına men dóńgelek tysy órtendi. Tilsiz jaýdyń jalpy aýmaǵy – 9 sharshy metr. 1959 jyly týǵan menshik ıesi órt sóndirýshiler kelgenge deıin jalyndy óz kúshimen óshirýge tyrysqan. Sonyń saldarynan onyń qolyn kúıik shaldy» dep habarlady vedomstvo ókilderi.
Barlyq oqıǵalarda órttiń shyǵý sebebi – otpen abaısyz áreket etý. 2020 jyldyń tamyzynan bastap Shyǵys Qazaqstanda 400 tonnaǵa jýyq jemshóp órtengen.
