ShQO-da ury meshittiń esigin buzyp kirip, sadaqa jáshigindegi aqshany alyp ketken
ÓSKEMEN. QazAqparat – Shyǵys Qazaqstan oblysynyń Úrjar aýdanyndaǵy meshitten aqsha urlandy, dep habarlaıdy QazAqparat tilshisi.
ShQO Polıtsııa departamentiniń málimetine qaraǵanda, meshit qyzmetkeri aqshanyń urlanǵanyn poltsııaǵa 5 kún ótken soń ǵana baryp habarlaǵan.
«Úrjar aýdandyq polıtsııa bólimine 53 jastaǵy meshit qyzmetkeri shaǵymdandy. 2-3 tamyz aralyǵynda belgisiz adam aýyldaǵy meshittiń esigin buzyp kirip, jáshiktegi 8 myń teńgeni jymqyrǵan. Jedel izdestirý sharalarynyń arqasynda 26 jastaǵy jigit ustaldy. Ol buryn da urlyq jasaǵany úshin jaýapqa tartylǵan. Kúdikti kinásin moıyndady. Zattyq aıǵaqtar alyndy», - delingen departamenttiń baspasóz qyzmeti taratqan aqparatta.
Kúdiktiniń ústinen QR Qylmystyq kodeksiniń 188-babynyń 2-tarmaǵy boıynsha tergeý bastaldy.
